भारती विदयापीठ पोलीस स्टेशन हद्दीत वाहन चोरीच्या गुन्ह्यांना आळा घालण्यासाठी वरीष्ठ पोलीस निरीक्षक विनायक गायकवाड यांच्या मार्गदर्शनाखाली भारती विद्यापीठ पोलीस स्टेशनकडील तपास पथकाचे अधिकारी व पोलीस अंमलदार हे पोलीस स्टेशन हद्दीत पेट्रोलींग करीत असताना पोलीस अंमलदार धनाजी धोत्रे, हर्षल शिंदे, सचिन गाडे, यांना त्यांच्या खबऱ्या मार्फत बातमी मिळाली की, रेकॉर्डवरील वाहन चोर कुणाल सुरेश बधे, वय २९ वर्षे, धंदा वायरमन, राहणार मुक्काम पोस्ट रांजणे, तालुका वेल्हा, जिल्हा पुणे हा अमृत खान, लिपाणे वस्ती येथे चोरीची दुचाकी गाडी घेवुन थांबला आहे अशी खात्रीशीर माहीती मिळाल्याने तपास पथकाचे अधिकारी व अंमलदारांनी अमृत खान लिपाणे वस्ती येथे गेले असता तेथे हा आरोपी त्याचे ताब्यातील दुचाकी गाड़ी सह मिळुन आल्याने त्यास ताब्यात घेवुन कसून चवकाशी केली असता त्याने गाडी चोरी केल्याची कबुली दिली.त्या गाडीबाबत भारती विद्यापीठ पोलीस स्टेशन गुन्हा रजिस्टर नंबर ५६५ / २०२३ भादंवि कलम ३७९ या गुन्हयातील चोरीस गेले असल्याची निष्पन्न झाले असुन त्याच्या ताब्यातील दुचाकी गाड़ी जप्त करुन त्यास गुन्ह्यात अटक केली.
आरोपी कुणाल सुरेश बधे, वय २९ वर्षे, धंदा वायरमन, राहणार मुक्कम पोस्ट रांजणे, ता. वेल्हा, जिल्हा पुणे याचेकडे अटक दरम्यान तपास केला असता त्याचेकडुन एकुण ५ दुचाकी वाहने जप्त करण्यात आली,असुन आरोपीकडुन खालील प्रमाणे गुन्हे उघडकीस आले आहेत.
१). भारती विद्यापीठ पोलीस स्टेशन गुरंनं ५६५ / २०२३ भादंवि कलम ३७९ प्रमाणे २). कोंढवा पोलीस स्टेशन गुन्हा रजिस्टर ६४३ / २०२३ भादंवि कलम ३७९ प्रमाणे ३). कोंढवा पोलीस स्टेशन गुन्हा रजिस्टर ३५० / २०२३ भादंवि कलम ३७९ प्रमाणे
वरील प्रमाणे आरोपीताकडुन एकुण ३,००,००० रुपयांची ५ दुचाकी वाहने जप्त करुन ३ दुचाकी
वाहन चोरीचे गुन्हे उघडकीस आले आहेत.
सदरची कामगिरी अपर पोलीस आयुक्त, पश्चिम प्रादेशीक विभाग, पुणे शहर प्रवीण कुमार पाटील, पोलीस उप आयुक्त परिमंडळ २ स्मार्तना पाटील, सहाय्यक पोलीस आयुक्त स्वारगेट विभाग, पुणे नारायण शिरगावकर यांचे मार्गदर्शनाखाली भारती विदयापीठ पोलीस स्टेशनकडील वरिष्ठ पोलीस निरीक्षक विनायक गायकवाड, पोलीस निरीक्षक (गुन्हे) विजय पुराणिक, सहाय्यक पोलीस निरीक्षक गिरीश दिघावकर, अमोल रसाळ, पोलीस उपनिरीक्षक धिरज गुप्ता, पोलीस अंमलदार धनाजी धोत्रे, सचिन गाडे, हर्षल शिंदे, सचिन सरपाले, चेतन गोरे, शैलेश साठे, महेश बारावकर, निलेश ढमढेरे, मंगेश पवार, अवधतु जमदाडे, अभिजीत जाधव, निलेश खैरमोडे, आशिष गायकवाड, अभिनय चौधरी, राहुल तांबे, विक्रम सावंत यांच्या पथकाने केली आहे..
संपादक : सतीश जाधव.
