सायबर पो.स्टे कडील गुन्हयामधील फिर्यादी यांना वेगवेगळ्या मोबाईल नंबरवरुन व्हॉटसअॅप चैटिंगद्वारे, SMC Global Securities Institutional VIP trading account मध्ये चांगला फायदा मिळवून देण्यााच्या बहाण्याने वेगवेगळ्या बैंक अकाऊंटवर एकूण ६७,६९,९५० रुपये भरायला लावण्यात आले होते. यातील फिर्यादी यांनी भरलेली रक्कम काढण्याचा प्रयत्न केला असता त्यांना परत पैश्याची मागणी होत असल्याने त्यांना त्यांची फसवणुक होत असल्याचे लक्षात आल्याने त्यांनी व्हॉटसअॅप मोबाईल धारक, बैंक अकाउंट धारक, यांचेविरुध्द सायबर पोलीस स्टेशन गु.र.नं ११/२०२४ भारतीय न्याय संहिता कलम ३१८(४), ३१६ (२), ३(५) सह माहीती तंत्रज्ञान अधिनियम (सुधारीत) कायदा २००८ चे कलम ६६ सी, ६६ (डी) अन्वये कायदेशीर तक्रार दिल्याने गुन्हा दाखल करण्यात आला आहे.
दाखल गुन्हयाचा तपास करत असतांना गुन्हयातील रक्कम वेगवेगळ्या बँकेच्या अकाऊंटला फिर्यादी यांनी पाठविले असल्याने त्या बैंक अकाऊंट संदर्भात तपास करत असतांना त्यातील महाराष्ट्र बँकेचे खाते ६०५११०६८९३८ समर्थ इंटरप्रायझेस, ६०४८७२८२७४३ आर एस इंटरप्रायझेस हे दोन बैंक अकाऊंट रोहीत पटाडीया या एकाच व्यक्तीच्या नावाने असल्याचे तपासात निष्पन्न झाले. त्यानंतर रोहीत पटाडीया याचा तांत्रिक विश्लेषणाव्दारे शोध घेतला असता कोंढवा, पुणे भागात असल्याची माहीती मिळाल्याने तात्काळ पोउपनिरीक्षक प्रकाश कातकाडे व स्टाफ यांना त्याचा शोध घेणेकरीता कोंढवा भागात रवाना करुन त्याला ताब्यात घेतल्यानंतर त्याने विशाल कदम रा. मुंबई व सुरज खेडेकर रा. मुंबई याला सदरचे खाते दिले असल्याचे सांगीतले. त्यानंतर गुन्हयाची फसवणुकीची रक्कम मोठ्या प्रमाणात असल्याने वरीष्ठांच्या परवानगीने पोउपनिरीक्षक सागर पोमण व पोउपनिरीक्षक प्रकाश कातकाडे यांचे दोन पथक तयार करुन त्यांना मुंबई भागात तपासकामी रवाना करण्यात आले होते. तांत्रिक विश्लेषणावरुन विशाल कदम यास ताब्यात घेऊन त्याच्याकडे कौशल्यपुर्वक तपास केला असता सदरचा गुन्हा त्याने पाहिजे आरोपी याच्या सोबत केला असल्याचे कबुली दिली आहे.
तसेच राजस्थान नागोर येथील व्यक्तींना टेलिग्रामव्दारे संर्पक करुन पैन्टरचे काम करण्यासाठी पुण्यामध्ये बोलावून बैंक खाते घडण्यास भाग पाडले जात असल्याची माहीती दिली, प्राप्त माहीतीच्या अधारे मळवली, लोणावळा येथिल व्हिला मध्ये छापा मारला असता तेथे राजस्थान वरुन आलेले ३ इसम मिळून आले त्यांच्याकडे चौकशी केली असता त्यांच्या मधील आरोपी रमजान सदिक चौहान याच्याकडे करंट बैंक खाते उघडण्यासाठी पुण्यातील पत्याचे अधारकार्ड, उद्यम प्रमाणपत्र मिळुन आले त्यामुळे त्याला सदर गुन्हयात अटक करण्यात आली आहे. आरोपी विशाल कदम हा राजस्थान येथुन आलेल्या लोकांचा राहण्याचा व इतर खर्च करत होता.
नमुद गुन्हयाच्या तपासात पाहीजे आरोपी हा अटक आरोपी विशाल कदम याला यु.एस.डी.टी करन्सी पाठवुन त्याचे रुपांतर भारतीय चलनामध्ये करुन फसवणुकीची रक्कम स्वतःच्या फायदा करता
वापर करत असल्याचे निष्पन्न झाले आहे. आरोपीने अशाप्रकारे किती गुन्हे केलेले आहेत याबाबत अधिक तपास रविकिरण नाळे, निरिक्षक, सायबर पोलीस स्टेशन हे करत आहे कारवाई विनयकुमार चौबे , पोलीस आयुक्त पिंपरी चिंचवड,. डॉ. शशिकांत महावरकर, सह पोलीस आयुक्त, . वसंत परदेशी अपर पोलीस आयुक्त, पिंपरी चिंचवड, संदिप डोईफोडे पोलीस उपआयुक्त, गुन्हे, डॉ. विशाल हिरे सहायक पोलीस आयुक्त, गुन्हे १ यांच्या मार्गदर्शनाखाली पोलीस निरीक्षक रविकिरण नाले, सपोनि, प्रविण स्वामी, पोउपनि, सागर पोमण, पोउनि. प्रकाश कातकाडे, पोलीस अंमलदार हेमंत खरात, दिपक भोसले, नितेश बिचेवार, अतुल लोखंडे, सौरभ घाटे, दिपाली चव्हाण सर्व नेमणुक सायबर पोलीस ठाणे यांच्या पथकाने केली आहे. नागरीकांना आवाहन शेअर मार्केटमध्ये गुंतवणुक करणेसाठी सेबी पुरस्कत अॅप्लीकेशनचा वापर करावा. शेअर मार्केट गुंतवणुक करण्यासाठी सेबी पुरस्कत अॅप्लीकेशन हे वेगवेगळया खात्यांमध्ये पैसे भरण्यास सांगत नाहीत. शेअर मार्केटमध्ये गुंतवणुक करताना आपण बनावट प्लॅटफार्मवर गुंतवणुक करत नाहीत ना याची खात्री करावी. कोणत्याही परिस्थितीत आपला मोबाईल स्क्रिन, बैंक अकाउंट, वैयक्तीक माहीती शेअर करु नये.
